Ky produkt përmban Minoxidil, një substancë që nxit rritjen e flokëve dhe ngadalëson rënien e tyre. Në dozën 5% përdoret në trajtimin e rënies hormonale të flokëve (halopeci androgjenike) vetëm tek burrat.

Mekanizmi i veprimit: Zgjeron enët e gjakut.

Kundërindikime:

Ky medikament nuk duhet përdorur në rastet e mëposhtme:

-Tolerancë e ulët gjatë aplikimit të një doze më të vogël (2%).

-Dëmtime ose plagë të skalpit

-Tek gratë rrit rrezikun e rritjes së tepruar të flokëve jashtë zonave të skalpit të trajtuara

Kujdes!

-Ky trajtim nuk duhet përdorur pa rekomandimin e mjekut në rast sëmundje zemre. Nuk është i përshtatshëm në rast rënie floku të shkaktuara nga sëmundje apo trajtime farmakologjike. Nuk duhet përdorur përveçse në skalp.

-Në rast problemesh dermatologjike të skalpit, ata duhet të jenë shëruar paraprakisht.

-Në rast se aksidentalisht aplikohet në sy, mukoza apo lëkurë të dëmtuar, të shpëlahet me ujë të bollshëm.

Ndërveprime farmakologjike:

Nuk duhet përdorur njëkohësisht me substanca irrituese të skalpit të kokës.

Shtatëzani dhe gjidhënie:

Siguria e këtij medikamenti nuk është testuar në gratë shtatëzynë apo në gjidhënie. Si masë parandaluese, është i kundërindikuar në gratë shtatëzane dhe që japin gji.

Efekte të mundshme të padëshiruara:

Më të shpeshtat: irritim, skuqje, tharje e lëkurës, krruarje, diegie, rritje e tepruar e qimeve jashtë zonës së trajtuar.

Më të rralla: alergji, marrje mendsh, dhimbje koke, debulesë, irritim i syve, shikim i turbullt, probleme të shijes, infeksion i veshit, edema, neurite, humbje e flokëve (efekt paradoksal),

Janë raportuar edhe probleme frymëmarrje, dhimbje në gjoks, rrahje të shpeshta zemre, ulje e presionit të gjakut, hepatit, gurë në veshka. Në rast të verifikimit të këtyre efekteve, këshillohet ndërprerja e trajtimit.

Për shkak të pranisë së glikolit propilenik: ekzemë.

Përbërja për 100 ml solucion:

minoxidil 5 g, alcool, propilenglikol.

Paketimi: 3 flakonë x60 ml. Kutia është e pajisur edhe me një pikatore, pompë dozuese dhe aplikator.